Сабина Шарипова Қозоғистонда қийин ўйин ўтказди

Мусобақада мамлакатимизнинг 1-ракетка маликаси Сабина Шарипова иштирок этмоқда.

Бугун Шарипова турнирнинг 1/16 финал босқичи доирасида россиялик Ксенла Ласкутовага қарши ўйин ўтказди. Муросасиз кечган баҳс 3 соату 34 дақиқа давом этди. Қувонарлиси, Сабина қийин ўтган учрашувда рақибасини 6/7, 7/6, 6/2 ҳисобида мағлубиятга учратиб, 1/8 финал босқичига йўл олди.

Эртага Шарипова 1/8 финалда яна бир россиялик теннисчи Валерия Оляновскаяга қарши кортга чиқади.