Сабина "W 15 Shymkent" турнири финалига чиқди, яккаликда эса...

Мусобақанинг жуфтликлар баҳсида Сабина Шарипова россиялик Екатерина Яшина билан биргаликда тандем ҳосил қилган ҳолда иштирок этаётгани ҳақида хабар берган эдик. Бироз аввал турнирнинг ярим финалида бу жуфтлик қозоғистонлик теннисчилар Гўзал Аинитдинова ва Жибек Куламбаева тандемига қарши кортга чиқди. 1 соату 46 дақиқа давом этган учрашувда Шарипова/Яшина тандеми мезбон рақибаларини 6/4, 5/7, 10/5 ҳисобида мағлубиятга учратиб, финалга чиқди.

Яккалик баҳсида эса Сабина Шарипова чорак финал баҳсида америкалик Жесси Анейга қарши кортга чиқди. 1 соату 16 дақиқа давом этган учрашувда 1-рақам остида сараланган Шарипова афсуски, рақибасига 2/6, 1/6 ҳисобида имкониятни бой бериб қўйиб, мусобақанинг яккалик баҳсларини тарк этди.