06 май 17:50
Янгиликлар
Кураш, Бошқалар
Саҳоватли спортчилардан ўрнак олинг!
Жорий йилнинг 27 апрель куни Бухоро ва Навоий вилоятларига кириб келган кучли шамол ҳамда 1 май куни Сардоба сув омборида юз берган фалокат натижасида ҳудудларда жойлашган жисмоний тарбия ва спорт обьектларига ҳам жиддий зарар етди.
Ушбу талофатлар оқибатини қисқа муддатларда бартараф этиш мақсадида Жисмоний тарбия ва спорт вазирлиги томонидан қўшимча ҳомийлик ва инсонпарварлик ёрдамини жалб қилиш учун махсус ҳисоб рақами очилганлигини эълон қилгандик.
Ушбу чақириққа Ўзбекистон бел олиш ва уч кураш ассоциацияси биринчилардан бўлиб лаббай, деб жавоб берди. Улар табиий офатлар оқибатини бартараф этиш учун очилган махсус ҳисоб рақамига 10 миллион сўм миқдоридаги маблағни беғараз ёрдам тариқасида ўтказиб беришга қарор қилди.
Азизлар, бугунги муборак кунларда барчамиз бирлашайлик! Табиий офатлардан жабр чеккан ҳудудларни ёлғизлатиб қўймайлик!
Ҳавола :
Манба : minsport.uz
Фикрлар