06 июл 15:19
Янгиликлар

Стол тенниси

Саида Маҳмудова бошчилигида ёш спортчилар учун мастер-класс ташкил этилди

Хабарингиз бор, сўнгги пайтларда Миллий олимпия қўмитаси спортни энг қуйи бўғиндан бошлаб оммалаштириш йўлида бир қатор спорт федерациялари билан биргаликда турли тадбирлар ташкил этиб келмоқда.

Бугунги кунгача таэквондо WTF, бокс, каратэ, велоспорт, гандбол, спорт курашлари, сузиш ва бошқа спорт турлари бўйича маҳорат сабоқлари, кўргазмали чиқишлар ўтказилди.

Навбатдаги тадбир Ўзбекистон стол тенниси федерацияси билан ҳамкорликда ташкил этилди. Бу ҳақида МОҚ матбуот хизмати хабар бермоқда. Унда стол тенниси бўйича Ўзбекистон терма жамоасининг етакчи спортчилари, мураббий ва мутахассислар пойтахтимизда жойлашган "Эркатой" мактабгача таълим муассасаси тарбияланувчилар учун мастер-класс намойиш этиб беришди. Болажонлар учун қай тарзда спортнинг ушбу тури билан шуғулланиш, стол тенниси ҳақидаги қизиқарли маълумотларни гапириб беришди.

Ўз навбатида болакайлар ушбу тадбирда мароқ билан иштирок этишди ва бир олам таассуротлар олишди.