UZ

Сўнгги янгиликлар

13:29"Челси" Кантени "Реал" ёки ПСЖга сотишга тайёр 0 13:02UFC собиқ чемпионининг икки қариндоши (CОVID-19) сабабли вафот этди 0 12:40Спортчилар ижтимоий тармоқларда 0 12:19Фергюсон UFC 249 кечасининг бекор бўлгани ҳақида фикр билдирди 1 11:58"Sky Sports" АПЛнинг ушбу мавсум рамзий термасини тақдим этди 0 11:37Жозе Алду "ўйин"дан чиқди, энди Cехудога бошқа жангчи рақиблик қилади 0 11:16“Ломаченко Мейвезердан кучли!” 0 10:54Хабиб бекор бўлган UFC 249 турнир ҳақида: Яратгандан қўрқинг! 7 10:33"Манчестер Юнайтед" франциялик футболчига қизиқиб қолди 0 10:12Koronavirus Info. Ўзбекистонда коронавирус инфекцияси билан касалланганлар сони 624 нафарга етди 0 09:56UFC президенти бекор бўлган турнир бўйича расмий баёнот берди 3 09:35Расман! UFC 249 турнири бекор қилинди 6 09:14#уйдақол! #ҳаётгақўшил! #sportchallenge челленжида илк ғолиблар аниқланди 0 08:51"Шальке" "Барселона" футболчисини ўзида олиб қолмоқчи 0 08:28“Гетжи Фергюсонни нокаут қилади” 4

16 мар 16:59
Янгиликлар

Стол тенниси

Саида Маҳмудова: Спортчиларимизнинг саломатлиги муҳим​

Бугунги кунда дунёни ҳавфга солаётган коронавирус (COVID-19) касаллигини юқтириб олганлар сони 135 мингга, вафот этганлар эса қарийб 5 минг нафарга яқинлашиб қолди.

Айни кунларда мазкур вирус тарқалишининг олдини олиш мақсадида аксарият мамлакатларда оммавий сайллар, спорт мусобақалари, халқаро анжуман ва тадбирлар ўтказилиши бекор қилинмоқда.

Жумладан, коронавирус сабаб стол тенниси бўйича жорий йилнинг 22-29 март кунлари Жанубий Кореянинг Пусан шаҳрида ўтиши режалаштирилган жаҳон чемпионати, 1-5 апрель кунлари Италиянинг Риччоне шаҳридаги жаҳон про-тури рейтинг мусобақаси, 21-23 апрель кунлари Эроннинг Теҳрон шаҳрида ёшлар ва ўсмирлар ўртасидаги Осиё чемпионати квалификацион турнири ўтказилмайдиган бўлди.

Мазкур мусобақаларнинг ўтказилмаслиги натижасида спортчиларимизнинг Токио шаҳрида бўлиб ўтадиган Олимпия ўйинларига йўлланма берувчи муҳим рейтинг очколарини қўлга кирита олмаслиги, эндиликдаги режалар ва коронавирусдан уларни сақлаш бўйича олиб борилаётган ишлар юзасидан ЎзА мухбири Ўзбекистон стол тенниси федерацияси раиси Саида МАҲМУДОВА билан суҳбатлашди.

– Жанубий Корея, Италия ва Эронда ўтиши керак бўлган мусобақалар қачон ва қаерда ўтказилади ҳамда бизнинг спортчиларимиз иштироки қандай бўлади?

– Мазкур мусобақалар ўтказилмаслиги бир қатор спортчилар учун қийин вазият туғдирди. Ҳозирги кунда юқоридаги уч давлатда коронавирус жадаллик билан тарқалмоқда. Шу сабабли ҳам Халқаро стол тенниси федерацияси теннисчиларнинг саломатлигини сақлаш мақсадида ушбу мусобақаларни ўтказмасликка қарор қилди.

Спортчиларимиз иштироки ҳақида гапирадиган бўлсак, агарда ушбу мусобақалар вирусдан холи давлатларда ўтказилса, Ўзбекистон Жисмоний тарбия ва спорт вазирлиги, Соғлиқни сақлаш вазирлиги ҳамда Миллий олимпия қўмитаси билан маслаҳатлашган ҳолда юборилади. Бироқ биз учун энг муҳими спортчилар ва бу орқали халқимизнинг саломатлигини сақлашдир.


– Яқинда терма жамоа аъзолари Зоҳид Кенжаев ва Римма Гуфранова Қатарнинг Доҳа шаҳрида ўтказилган мусобақада иштирок этди. Уларнинг айни дамда аҳволи қандай?

– Римма ва Зоҳид Тошкентга қайтган куниёқ тиббий кўрикдан ўтказилди. Уларнинг аҳволи яхши. Бугунга қадар уларда ҳеч қандай касаллик аниқланмади. Айни пайтда бутун жаҳонга хавф солаётган коронавирусдан спортчиларимизни сақлаш, уларнинг саломатлигини назорат қилиш мақсадида тиббий текширувдан ўтказилмоқда.

– Дарҳақиқат, бугун халқимиз саломатлигини сақлаш энг муҳим вазифалардан бири бўлиб турибди. Айтингчи, стол тенниси федерациясида спортчилар саломатлигига эътибор қандай?

– Федерациямиз ташкил топган дастлабки йиллардан бошлаб спортчилар саломатлиги биринчи ўринга қўйилган. Ҳозир эса бу эътибор икки баробар ортган. Спортчиларимиз федерация бош шифокори томонидан хар куни машғулотлардан олдин тиббий кўрикдан ўтказилади.

Шунингдек, истиқболли теннисчиларимиз йилда икки маротаба Миллий олимпия қўмитаси томонидан чуқурлаштирилган тиббий текширувдан ўтказилади. Кўрик натижасида аниқланган органик ёки функционал камчиликлар МОҚ мутахассислари ва бош шифокоримиз томонидан бартараф этилади.

– Олдинда турган режалар ҳақида тўхталиб ўтсангиз?

– Энг биринчи вазифа бу Олимпия ўйинларига йўлланмани қўлга киритишдир. Ҳозирча Зоҳид Кенжаев ва Римма Гуфранова йўлланма олишига умид қилаяпмиз. Бироқ улар рейтинг очколари учун астойдил ҳаракат қилиши керак. Афсуски, ҳозирда бир қатор рейтинг очколари берувчи мусобақалар ўтказилмайдиган бўлиб турибди. Олимпиадага эса вақт кам қолган.

Мамлакатимизда ёшлар ва хотин-қизларни спортга жалб этиш орқали уларнинг саломатлигини янада мустаҳкамлаш, улар ўртасида иқтидорли ёшларни саралаб, ўзлари хоҳлаган спорт турлари бўйича мунтазам шуғулланиши учун кенг имконият яратиш мақсадида бир қатор оммавий тадбирлар ўтказилмоқда.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг