Саидёқуб сингари Умар Нурмагомедов ҳам UFC'ни ҳоли-жонига қўймаяпти + ФОТО

Умар яна бир бор промоушендан жанг сўради. "Кейинги рақибим ким?", - дея UFC'га мурожаат қилган ҳолда твит қолдирган Хабибнинг амакиваччаси.

Бунга жавобан мухлислар Жэк Шор ва Адриан Янезни Умарга тавсия қилишган.

Эслатиб ўтамиз, Умар Нурмагомедов сўнгги жангини 26 июнь куни Нейт Манессга қарши ўтказган эди.

Умар аввалроқ Педро Муньоз билан жанг қилиши айтилган эди. Педро Муньоз сўнгги бор Шон О'Мэлли билан жанг қилган.

Ҳамюртимиз Саидёқуб ҳам UFC'дан тез-тез жанг ташкиллаштиришни сўряпти. У сўнгги бор айнан Умарнинг оҳирги рақиби Нейт Манессни жангга чорлаган эди. Аммо маълумотларга кўра, Нейт Манесс 5 ноябрь куни Тагир Уланбековга қарши жанг қилиши кутилмоқда.