Саидёқуб Қаҳрамонов Умар Нурмагомедовнинг собиқ рақиби Нейт Манессни жангга чорлади + ФОТО

Аввал ҳам айтганимиздек, Саидёқуб нафақат Instagram, балки ғарбликларнинг асосий тармоғи ҳисобланувчи Twitter'да анчагина фаол, кўпгина ҳорижий спортчилар сингари.

Бугун тонгда у UFC матчмейкерларига мурожаат қилган ҳолда янги твит жойлади:

"Нейт Манесс сенинг сўнгги жангинг мени қойил қолдирди. Ҳудди улкан шердек жанг қилдинг. Сени UFC октагонида кўммоқчиман", - дея Шон Шелбига мурожаат қилган Қаҳрамонов.

Нейт Манесс сўнгги бор Умар Нурмагомедовга қарши жанг қилган. Унинг ММАдаги статистикаси: 16-2.

Эслатиб ўтамиз, Саидёқуб Қаҳрамонов UFC'даги биринчи жангини ўтган йилнинг 22 августида Тревер Жонсга қарши, иккинчи жангини эса 10 июль куни Ронни Лоуренсга қарши ўтказган.

Аввалроқ, Қаҳрамонов Дана Уайт ва Шон Шелбидан тезроқ жанг ташкиллаштириб беришни сўраган эди.