28 апр 18:10
Янгиликлар

Теннис

Саккари Стивенснинг еттита ғалабали сериясига чек қўйди

Дунёнинг олтинчи ракеткаси Мария Саккари Мадриддаги нуфузли турнирнинг нимчорак финал иштирокчисига айланди.

Грециялик теннис маликаси учинчи даврада WTA рейтингида 33-поғонада бораётган америкалик Слоан Стивенсни ортиқча қийинчиликсиз мағлубиятга учратди - 6/1, 6/3. Теннисчиларнинг ўзаро иккинчи учрашувида ҳам Мария зафар қучди - 2:0.

Олтмиш уч дақиқа давом этган баҳсда Саккари 2, Стивенс 1 та эйс зарбасини амалга оширган. Бу билан грециялик теннисчи Стивенснинг еттита ғалабали сериясига ҳам чек қўйди. Слоан ўтган ҳафта Руандаги турнирда чемпион бўлган эди.