19 май 13:39
Янгиликлар

Теннис

Самарқанд “Челленжер”. Бош соврин Италияга йўл олади

Самарқанд шаҳрида якунига етиб бораётган “Челленжер” туркумига кирувчи теннис турнирининг яккалик баҳсларида ғолиб аниқланди.

Ҳозиргина соврин жамғармаси 75 000 АҚШ долларини ташкил қилувчи мусобақанинг яккалик баҳсларида финал учрашуви якунланди. Бош мукофот учун италиялик Лука Ванни ҳамда испаниялик Марио Вилелья Мартинес кортга чиқишди.

Бир соату 28 дақиқа давом этган финал учрашувида дунё рейтингида 259-ўринни эгаллаб турган Ванни ATP рейтингида 321-поғонадан жой олиб турган Мартинесни 6:4, 6:4 ҳисобида мағлуб этиб, Самарқанд “Челленжер” турнири ғолибига айланди.