18 май 10:21
Янгиликлар

Теннис

Самарқанд “Челленжер”. Каримов ва Файзиев чорак финалда!

Хабар берганимиздек, шу кунларда Самарқанд шаҳрида “Челленжер” туркумига кирувчи теннис турнири бўлиб ўтмоқда.

Соврин жамғармаси 75 000 АҚШ долларини ташкил қилувчи мусобақанинг жуфтлик баҳсларида чорак финалчилар номи маълум бўлди. Ушбу босқичга уч нафар ўзбекистонлик теннисчилар етиб келишди. Россиялик Михаил Елгин билан тандем ҳосил қилган Денис Истоминнинг чорак финалга йўл олгани ҳақида хабар берган эдик.

Кеча Жўрабек Каримов ва Санжар Файзиевдан иборат теннисчиларимиз жуфтлиги ҳам нимчорак финал учрашувида зафар қучди. Улар яна икки теннисчимиз - Фаррух Дўстов ва Шониғмат Шофайзиев ҳамкорлигидан 57 дақиқа давом этган учрашув якунида 6:4, 6:1 ҳисобида устун келишди.