Самарқанд вилояти бўйлаб 5 муҳим ташаббус ижроси бўйича мусобақалар ўтказилди

Жумладан, Жомбой ва Каттақўрғон туманларида ёш спортчилар ўртасида “Армия ва ёшлар” шиори остида спортнинг гандбол, баскетбол ва мини-футбол турлари бўйича мусобақалар ташкил этилди.

Эътиборлиси ушбу мусобақаларда 250 нафардан ортиқ спортчилар ғолиблик учун кураш олиб боришди.

Ушбу мусобақалар якунида ғолиб ва совриндорлар махсус медаль ва дипломлар билан, шунингдек, эсдалик совғалари билан тақдирланишди.

Бугуннинг ўзида Ургут ва Иштихон туманларида  спортчи ёшлар иштирокида “Ватанпарварлик- миллий юксалиш кафолати” шиори остида  волейбол ва юнон-рум кураши бўйича мусобақалар ҳам ўтказилди.

Ушбу мусобақаларда жами 200 нафардан ортиқ спортчилар ғолиблик учун кураш олиб боришди.

Мусобақанинг ғолиб ва совриндорлари мутасаддилар томонидан  диплом ва эсдалик совғалари билан тақдирланди.