Самарқандда бюджет маблағларининг мақсадли сарфланиши юзасидан давра суҳбати ўтказилди

Давра суҳбати 2013 йил 26 декабрдаги «Ўзбекистон Республикаси Бюджет кодекси тўғрисида»ги Ўзбекистон Республикаси қонуни, 2018 йил 9 апрелдаги «Давлат харидлари тўғрисида»ги Ўзбекистон Республикаси қонуни, Ўзбекистон Республикаси Президентининг 2019 йил 27 майдаги «Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида»ги ПФ–5729-сон ҳамда 2020 йил 24 январдаги «Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида»ги ПФ–5924-сон Фармонларида белгиланган топшириқлар ижросига бағишланди.

Унда вазирлик тизимидаги ташкилотларда бюджет маблағларининг мақсадли сарфланиши, бюджет қонунчилигига, шунингдек, бюджет ва смета-штат интизомига қатъий риоя этилиши, давлат харидларини амалга ошириш жараёнида шаффофликни таъминлаш, коррупция ва бошқа суиистеъмолчилик ҳолатларини олдини олиш ва бу борада профилактика ишларини ташкил этиш ҳамда 2021 йилдан ташкил этилаётган туман (шаҳар) жисмоний тарбия ва спорт бўлимлари марказлаштирилган бухгалтериясининг асосий вазифалари, бугунги кундаги мавжуд муаммолар, марказлаштирилган бухгалтерияни ташкил этишдан мақсад ҳамда вазирлик ва тизим ташкилотларининг олдида турган асосий вазифалар тўғрисида фикр алмашилди.

Давра суҳбати якунида иштирокчилар ўзларини қизиқтирган саволларга мутасаддилардан тегишли жавоблар олишди.