27 ноя 10:01
Янгиликлар
Самбо
Самбо. Бугун Наманганда ўсмирлар ўртасида Ўзбекистон чемпионати бошланади
Бугун Наманган вилоятида 2007-2008 йилларда туғилган ёш самбочилар ўртасида Ўзбекистон чемпионатига старт берилади.
Мусобақада Республикамизнинг турли ҳудудларидан 400 нафардан зиёд ёш самбочи совринли ўринлар учун кураш олиб боради.
Намангандаги "Паҳлавон" спорт мажмуаси мезбонлик қилаётган беллашувларнинг 10 та вазн тоифасида ўғил болалар, яна 10 та вазн тоифасида эса қизлар медаллар учун беллашадилар.
Қайд этиш лозимки, мазкур ёш тоифасидаги самбочилар 2025 йилги Тошкент мезбонлик қиладиган ёшлар ўртасидаги Осиё ўйинларида ҳам иштирок этадилар. Бу мусобақа орқали мураббийларимиз ватанимизда ўтказиладиган нуфузли мусобақа учун селекция ишларини ҳам олиб боришади.
Ўзбекистон самбо ассоциацияси матбуот хизмати
Ҳавола :
Манба : t.me/uzbekistan_sambo
Фикрлар