14 окт 15:46
Янгиликлар
Самбо
Самбочиларимиз Кипрдаги жаҳон чемпионатида 16 та медаль қўлга киритишди
11-13 октябрь кунлари Кипрнинг Ларнака шаҳри самбо бўйича ёшлар, ўсмирлар ва кадетлар ўртасидаги жаҳон чемпионатига мезбонлик қилди.
Мусобақада дунёнинг 33 мамлакатидан 577 нафар ёш самбочи совринли ўринлар учун кураш олиб борди.
Улар қаторида Ўзбекистон терма жамоаси аъзолари ҳам баҳсларда иштирок этишди ва умумий ҳисобда 16 та медаль (2 та олтин, 4 та кумуш ва 10 та бронза) қўлга киритишди.
Қайд этиш лозимки, мусобақада ўсмирларимиз умумжамоа ҳисобида иккинчи, кадетларимиз эса учинчи ўринни эгаллашди. Умумий ҳисобда терма жамоамиз аъзолари жаҳон чемпионатини 4-ўринда якунлашди.
Ҳавола :
Манба : t.me/uzbekistan_sambo
Фикрлар