03 май 20:43
Янгиликлар
Самбо
Самбочиларимиз Осиё Очиқ чемпионатини умумжамоа ҳисобида иккинчи ўринда якунлашди
Хабар бериб ўтганимиздек, Қозоғистоннинг Атирау шаҳрида самбо бўйича Осиё очиқ кубоги бўлиб ўтди.
Бугун мусобақада иккинчи кун беллашувлари ташкил этилди.
Қувонарлиси, мазкур турнирнинг иккинчи кунида самбочиларимиз 2 та олтин ва 1 та кумуш медалларини қўлга киритишди.
Терма жамоамиз сафида -64 кг вазн тоифасида Имронбек Хаджибеков, -79 кг вазнда эса Тарас Бучинцев олтин медални қўлга киритди. -53 кг вазнли Гамзат Махсетбаев эса кумуш медалга сазовор бўлди.
Кечаги кун беллашувларида самбочиларимиз 1 та кумуш ва 2 та бронза медалларига эга чиқишганди.
Шу тариқа, Ўзбекистон терма жамоаси мусобақани умумжамоа ҳисобида иккинчи ўринда якунлади.
Эслатиб ўтамиз, мазкур турнирда 10 та мамлакат самбочилари иштирок этишди.
Ҳавола :
Манба : t.me/uzbekistan_sambo
Фикрлар