03 окт 22:44
Янгиликлар

Самбо

Самбочиларимиз "Татаристон Президенти кубоги"да учта медаль қўлга киритишди

Теглар : Самбо

Россия Федерацияси Татаристон Республикаси Қозон шаҳрида самбо бўйича халқаро "Татаристон Республикаси Президенти кубоги" мусобақаси бўлиб ўтди.

Аввалроқ, тўртинчи маротаба ташкил этилаётган ушбу мусобақада ўзбекистонлик самбочилар ҳам иштирок этиши ҳақида хабар бериб ўтгандик. Беллашувларда 15 мамлакатдан 207 нафар спортчи совринли ўринлар учун кураш олиб борди.

Турнир якунига кўра, уч нафар самбочимиз медаль қўлга киритди.

-79 кг вазн тоифасида юртимиз шарафини ҳимоя қилган Фирдавс Хожимаматов финалгача етиб борди ва кумуш медалга сазовор бўлди. -98 кг вазнли самбочимиз Неъмат Ёқубов ҳам мусобақанинг кумуш медали эгасига айланди. Жанговар самбо баҳсларида эса -71 кг вазнли ҳамюртимиз Санат Исманов бронза медали билан юртимизга қайтадиган бўлди.

Ўзбекистон самбо ассоциацияси матбуот хизмати