05 авг 09:13
Янгиликлар
Самбо
Самбочиларимизнинг барчаси Арманистондан медаль билан қайтадиган бўлди
Ереван шаҳрида самбо бўйича "Арманистон Миллий Олимпия қўмитаси президенти кубоги" баҳслари бўлиб ўтди.
Мусобақада тўрт нафар ҳамюртимиз иштирок этиши ҳақида аввалроқ хабар бериб ўтгандик.
Эътиборлиси, баҳсларда қатнашган тўрт нафар вакилимизнинг барчаси мусобақада медалга эга чиқди. Сарбон Эрназаров олтин медални қўлга киритган бўлса, Сардор Олимжонов кумуш медалга сазовор бўлди. Илҳом Пармонов ва Ихтиёр Эшмуродов юртимизга бронза медали билан қайтадиган бўлди.
Маълумот учун, ушбу мусобақа тарихда илк маротаба ўтказилди ва ўйлаймизки, Миллий олимпия қўмиталари орасида анъанага айланади.
Ўзбекистон самбо ассоциацияси мазкур мусобақадаги иштирокка кўмак бергани учун Ўзбекистон Миллий Олимпия қўмитаси ва "7 Saber" брендига ўз миннатдорчилигини билдиради.
Ҳавола :
Манба : t.me/uzbekistan_sambo
Фикрлар