14 июл 17:54
Янгиликлар

Бокс/ММА

Санжар Зокировга чемпионлик жанги таклиф қилинди

Ўзбекистонлик аралаш яккакураш устаси Санжар Зокиров кейинги жангини ONE Championship Лигаси чемпионлиги учун ўтказиши мумкин.

Хабарларга кўра, Зокиров ўта енгил вазн тоифасида амалдаги чемпион, япониялик Юя Вакамацу билан баҳс олиб бориши мумкин. Ҳозирча жанг санаси ва манзили номаълум. Cанжар ўта енгил вазн тоифасида ONE Championship рейтингида учинчи ўринни эгаллаб турибди.

Маълумот ўрнида, 22 яшар ҳамюртимиз фаолияти давомида 13 та жанг ўтказиб, уларнинг барчасида ғолиб бўлган. 30 яшар Юя Вакамацу ҳисобида эса 19 та ғалаба, 6 та мағлубият бор.