31 янв 13:13
Янгиликлар

Болалар спорти

Сардобада оммавий спорт тадбирлари

Айни пайтда бутун Республикамиз бўйлаб “Спортни сев, спорт билан яша!” шиори остида оммавий спорт мусобақалари бўлиб ўтмоқда.

Сирдарё вилоятида ҳам ушбу тадбирларнинг кўтаринки руҳда ўтаётганига гувоҳ бўлиш мумкин. Сардоба туманининг чекка ҳудудларида спорт курашлари, баскетбол, стол тенниси, тош кўтариш каби спорт турларида юқори натижаларга эришган тажрибали спортчилар ўз маҳоратларини намойиш қилишди.

Ушбу маҳорат сабоқларида 100 нафардан ортиқ ёш спортчилар иштирок этишди. Тадбирларни, шунингдек, вилоят ва туман ҳокимлиги вакиллари, вилоят спорт бошқармаси, МОҚ мутасаддилари ҳам кузатиб боришди. Бугун вилоят марказида мини-футбол бўйича “Спортни сев, спорт билан яша!” мусобақасининг финал босқичи бўлиб ўтади.