08 авг 08:28
Янгиликлар

Футбол

Сардор Рашидов жамоаси чемпионат аутсайдери билан дуранг ўйнади

Ҳамюртимиз Сардор Рашидов тўп тепаётган "Қатар СК" жамоаси кеча Қатар Юлдузлар лигасидаги навбатдаги учрашувини ўтказди.

Марказлашган ҳолатда ўтаётган Қатар чемпионатининг 20-турида "Қатар СК" аутсайдерлар қаторида бораётган "Ал Шахания" билан тўқнаш келди. Кескин курашлар остида ўтган беллашувда томонлар 0:0 ҳисобидаги дурангга имзо чекишди.

Сардор Рашидов мазкур учрашувда тўлиқ 90 дақиқа ҳаракат қилди. 20-турдан кейин "Қатар СК" 19 очко билан 8-ўринда кетмоқда.