Саудия Арабистони ўз тарихида илк бор қишки Олимпия ўйинларида иштирок этади

Бу ҳақда мамлакат Олимпия қўмитаси маълум қилди.

Хабарда таъкидланича, Саудия Арабистони тоғ чанғиси терма жамоасининг икки нафар аъзоси Пекинда бўлиб ўтадиган ХХIV қишки Олимпия ўйинларига йўлланма олган. Тоғ чанғичилари Салман аль-Хувайш ва Файек Абди қироллик ва бутун Форс кўрфази минтақасидан қишки Ўйинлар тарихида иштирок этадиган илк спортчилардир. Улар Пекин Олимпиадасига расмий саралаш очколарини қўлга киритишган.

Бундан ташқари, Ар-Риёд Хитой пойтахтида бўлиб ўтадиган қишки Олимпия ўйинларига делегация юборади. 

Эслатиб ўтамиз, ХХIV қишки Олимпия ўйинлари 4-20 февраль кунлари Пекинда бўлиб ўтади.