13 дек 17:49
Янгиликлар
Футбол
Саудия Арабистонидан бўлган футболчи Европа топ-5 жамоаси сафида илк бор гол урди
"Рома" ҳимоячиси Сауд Абдулҳамид 12 декабрь куни Европа Лигаси умумий босқичининг 6-тури доирасида "Брага"га қарши учрашувда (3:0) тўп киритди.
Бу гол Саудия Арабистони учун аҳамиятли бўлди, чунки у мамлакатнинг Европанинг топ-5 лигасида гол урган биринчи футболчисидир.
Сўнгги йилларда Саудия Арабистони футболи ривожланиб бормоқда: улар инфратузилмани ривожлантирмоқда, Европадан жаҳон даражасидаги ўйинчиларни харид қилмоқда ва умуман, бу спорт турига катта миқдорда маблағ тикмоқда. Ва бу ютуқ ана шундай ривожланишнинг дастлабки натижаларидан бири эди.
Италияликлар ёзда Сауд Абдилҳамидни "Ал Ҳилол"дан 2,5 млн еврога сотиб олди. У "Рома" сафида 5 ўйин ўтказиб, ўз ҳисобига 1 та гол ва 1 та голли узатма ёздириб қўйди.
Эслатиб ўтамиз, ФИФА яқинда 2034 йилги Жаҳон чемпионати Саудия Арабистонида ўтказилишини расман эълон қилган эди.
Ҳавола :
Манба : Arab News
Фикрлар