Себастьян Фундора: "Тим Цзю учун яна битта мағлубият зарар қилмайди"

Америкалик жаҳон чемпиони ўзини эртанги реванш жангида аутсайдер ҳисобламаяпти. 

"Тим биринчи жангимизга сўнгги сонияларда розилик бердими? Шошманг, у рингга чиқишга 11 кун қолганида жангни қабул қилди. Бу худди мен неччи кунда жангга рози бўлганим билан бир хил ҳолат. Демак, бу ҳолатда усутнлик рақибим томонида, шундайми?

Нима ҳам дердим, Тим учун жаҳон чемпионатидан қабул қилиб олинадиган яна бир мағлубият уятли бўлмайди. Ҳа, Цзю чемпионлик камари учун жангни ҳақли равишда қўлга киритди. Лекин такрор айтаман, яна бир мағлубият унинг фаолияти учун ортиқчалик қилмайди", — деди Фундора.

Маълумот учун, 2024 йилнинг март ойида Фундора қонли жангда Цзюни ҳакамларнинг айри қарори билан мағлубиятга учратган эди. Австралиялик боксчи реванш жангида ўша мағлубият учун ўч олишини айтмоқда.