25 июл 14:18
Янгиликлар
Токио-2020
“Сенинг хотиранг доимо биз билан”. Рашитов ярим финалдаги ғалабасини яқинда вафот этган мураббийига бағишлади + ФОТО
Бироз аввал Токио Олимпиадасида спорт оламини кутилмаган натижаси билан ҳайрон қолдираётган ёш таэквандочимиз Улуғбек Рашитов финал йўлланмасини қўлга киритди ва Ўзбекистон учун илк медални нақд қилди.
Ярим финалда Улуғбек Рашитов Босния ва Герцоговиния вакили Нежат Хужични катта устунлик билан мағлуб этди. Рашитов ва терма жамоамиз мураббийлари ушбу ғалабани Ўзбекистон терма жамоаси мураббийи, яқиндагина Тошкентда вафот этган Ким Жинг Юнгни хотирасига бағишлади. Бош мураббийнинг қўлидаги телефонда “Сенинг хотиранг доимо биз билан” деб ёзилган ёзувни кўриш мумкин эди. Албатта, Рашитовнинг бугунги натижасида нафақат Ўзбекистон таэквондо WT ассоциацияси, балки ушбу мураббийнинг хизмати ҳам катта.
Улуғбек Рашитовга финал баҳсида омад тилаймиз ва ундан фақат ва фақат Олимпия ўйинларининг олтин медалини кутиб қоламиз.
Ҳавола :
Манба : olamsport.com
Фикрлар