08 янв 16:03
Янгиликлар

Теннис

Сенсация бўлгани йўқ. Соболенко бош мукофот соҳибаси + ФОТО

Австралиянинг Аделаида шаҳрида ўтказилаётган теннис бўйича WTA турнири Арина Соболенконинг триумфи билан якунланди.

Дунёнинг бешинчи рақамли теннис маликаси бугун ўтказилган финал учрашувида мусобақа кашфиётига айланган чехиялик Линда Носковани 6/3, 7/6(4) ҳисобида мағлубиятга учратди. WTA рейтингида 102-поғонада бораёган Носкова финалга қадар номдор рақибаларидан устун келганди.

Теннисчиларнинг ўзаро илк учрашуви 106 дақиқа давом этди ва унда Соболенко 12, Носкова 6 та эйс зарбасини амалга оширди. Қўшхатолар Аринажа 6, Линдада 8 тани ташкил этди.

Беларуслик теннисчи 2021 йилнинг май ойидан бери илк бор WTA совринига эга чиқди. Бу унинг фаолиятидаги 11-титул бўлди. Соболенко 470 рейтинг очкоси ва 120,150 доллар мукофот пулини ҳам қўлга киритди. Носкова эса 305 балл ва 74,161 долларга эга бўлди.