Сергелида ёш полвонлар беллашди

Мусобақада ўғил болалар 46, 55, 60 кг вазнда, кизлар эса 48, 57 кг вазда беллашишди.

Муросасиз баҳсларда 70 нафарга яқин ёшлар ғолиблик учун кураш олиб боришди. 

Қизғин беллашувлар якунига кўра, Жаҳонгир Рўзиқулов, Хушнуд Бобоқулов, Абдулазиз Азамов, Диёра Мирзаева ва Зарина Холмирзаевалар ўз вазнларида ғолибликка эришган бўлса,   Муҳаммад Ҳакималиев, Хумоюн Норқўзиев, Акбар Зоиров, Ислом Хамроев, Шохрух Олимов, Фотима Умрзоқова ва Севинч Ибрагимова каби ёшлар совринли ўринлардан жой эгаллашди.

Мусобақанинг ғолиб ва совриндорларини тақдирлаш маросмида Ўзбекистон кураш федерацияси раисининг биринчи ўринбосари Комил Юсупов, Тошкент шаҳар прокурори, пойтахт кураш федерацияси раҳбари Улуғбек Қосимов, Жисмоний тарбия ва спорт вазирининг ахборот масалалари бўйича маслаҳатчиси Отабек Эшмаматов ва бошқа маъсуллар иштирок этишди.

Мусобақа жуда қизиқарли ўтди. Муҳими, бир қатор иқтидорли ёшлар саралаб олинди. Келгусида Тошкент шаҳар кураш федерацияси режасига асосан пойтахтимизнинг бошқа туманларида ҳам ана шундай оммавий кураш мусобақаларини ўтказиш режалаштирилган. Мақсад, курашимизнинг оммавийлигини ошириш, иқтидорли ёш курашчиларни саралаш орқали кураш бўйича Ватанимиз шарафини халқаро мусобақаларда муносиб ҳимоя этадиган кучли полвонларни камолга етказиш. 

Ушбу мусобақа Сергели туман прокуратураси, Тошкент шаҳар жисмоний тарбия ва спорт бошқармасининг пойтахт кураш федерациясига кўрсатган амалий ёрдами натижасида ташкил этилди.