08 апр 10:42
Янгиликлар
Бокс/ММА
Сергей Богачук рингга қайтяпти
Биринчи ўрта вазн тоифасида ўз жангларини ўтказиб келаётган украиналик боксчи Сергей Богачук чемпионлик камари учун рингга чиқади.
Богачукнинг промоутери Том Леффлер 17 май куни АҚШда мижози учун чемпионлик жанги ташкил этиб беришга уриниб кўрмоқчи. Богачукнинг IBF чемпиони Бахрам Муртазалиевга қарши рингга чиқиши кутилмоқда. Лекин вазиятга яқин инсонларнинг хабар беришича, 29 ёшли Богачукнинг кейинги рақиби америкалик Майкл Фокс бўлади.
"Биз Сергейнинг фаоллигини таъминлашимиз керак. Унга катта жангларни ташкил қилиб бермоқчимиз. Имкон қадар тезроқ камар учун жанг қилишини истаймиз. Бахрам Муртазалиевга қарши жанг асосий мақсадимиз. Бу жанг йил жанги бўлишига ишонаман. Фақат бу жангга муносиб шоу топишимиз керак. Сауль Альварес - Теренс Кроуфорд оқшоми энг мақбули бўларди", — деди Леффлер The Ring нашрига берган интервьюсида.
Ҳавола :
Манба : allboxing
Фикрлар