05 апр 16:10
Янгиликлар
Теннис
Сергей Фомин Анталиядаги M25 турнири финалига йўл олди
Хабар берганимиздек, шу кунларда Анталия шаҳрида (Туркия) теннис бўйича М25 тоифасига кирувчи навбатдаги турнир ўтказилмоқда.
Турнирда Ўзбекистоннинг иккинчи рақамли ракетка устаси Сергей Фомин ҳам иштирок этмоқда. У бугун мусобақанинг ярим финалида кортга чиқди. Ушбу босқичда ҳамюртимизга чехиялик Мартин Крумич рақиб бўлди.
3 соат 22 дақиқа давом этган ўйинда теннисчимиз 6:3, 6:7, 7:5 ҳисобларида ғалаба қозонди ва финалга йўл олди. Таққослаш учун Фомин айни пайтда дунё рейтингида 555, Крумич эса 509-ўринни эгаллаб турибди.
Энди Фомин эртага финалда украиналик Александр Крутихга қарши кортга чиқади. Теннисчимизнинг эртанги рақиби 535-поғонани банд этган.
Маълумот учун, ушбу муваффақият орқали Фоминнинг ғалабали серияси 9 та ўйинга етди.
Ҳавола :
Манба : olamsport.com
Фикрлар