Сергей Фомин Бхопалдаги турнирда 1/4 финалга чиқди

Мукофот жамғармаси 25 000 долларни ташкил қилувчи мусобақада ҳамюртимиз Сергей Фомин ҳам ўз имкониятини синаб кўрмоқда. Мамлакатимизнинг иккинчи ракеткаси илк даврада турнирнинг учинчи рақамли теннисчиси, рейтингда ўзидан 142 поғона юқорида турган россиялик Богдан Бобровга ҳеч қандай имконият қолдирмаганди - 6/1, 6/1.  

Фомин бугун ўтказилган 1/8 финалда украиналик Владислав Орловдан устун келди. Етмиш тўққиз дақиқа давом этган баҳсда теннисчимиз 6/4, 6/2 ҳисобида зафар қучди. Унинг чорак финалдаги рақиби россиялик Максим Жуков ҳамда япониялик Юта Кавахаши ўртасидаги учрашувда аниқланади. 

Таққослаш учун, Сергей Фомин айни пайтда ATP рейтингида 574, Бобров 432, Орлов эса 612-поғонадан жой олган.