09 апр 16:44
Янгиликлар

Теннис

Сергей Фомин навбатдаги соврини учун юришини бошлади

Туркиянинг Анталия шаҳрида М25 тоифасига кирувчи ITF теннис турнири бўлиб ўтмоқда.

Учинчи ҳафтадирки, ҳамюртимиз Сергей Фомин Туркиянинг ушбу курорт шаҳрида ташкил этилаётган турнирда муваффақиятли иштирок этяпти. У аввалига чемпион бўлди, уч кун аввал эса вице-чемпионга айланди.

Бугун мамлакатимизнинг иккинчи ракеткаси илк даврада чехиялик Ян Кумстатга қарши кортга чиқди. Етмиш етти дақиқа давом этган баҳсда Фомин рақибини ортиқча қийинчиликсиз мағлубиятга учратди - 6/2, 6/2.

Таққослаш учун, Сергей Фомин ATP рейтингида 499, 18 ёшли Кумстат 1734-поғонадан жой олган. Эртага ҳамюртимиз 1/8 финал учрашувида турнирда саккизинчи рақам остида таснифланган Зденек Коларга қарши баҳс олиб боради. Чехиялик 28 ёшли теннисчи ATP рейтингида 418-ўринни эгаллаб турибди.