Сергей Фомин Саарлуисда 1/4 финалга чиқди

Мукофот жамғармаси 15 000 АҚШ долларини ташкил этувчи мусобақада ҳамюртимиз Сергей Фомин ҳам ўз имкониятини синовдан ўтказяпти. Мамлакатимизнинг иккинчи ракеткаси турнирнинг 1/4 финалига йўл олди. 

Фомин илк даврада америкалик Феликс Корвинни ортиқча қийинчиликсиз мағлуб этган эди - 6/1, 6/1. Сергей ATP рейтингида 634, Феликс эса 673-ўриндан жой олган. Сергей 104 дақиқа давом этган 1/8 финал баҳсида рейтингнинг 1460-поғонасида бораётган австриялик Петер Голдстейнердан 6/4, 6/2 ҳисобида устун келди. 

Саарлуис турнирида саккизинчи рақам остида сараланган ҳамюртимиз бугун ярим финал йўлланмаси учун германиялик Мика Липпга қарши кортга чиқади. Липп ATP рейтингида 1665-ўриндан жой олган. Ушбу баҳс бизнинг вақт билан соат 21:00да бошланади.