Сергей Фомин Shenzhen 4 турнирининг асосий тўрига йўл олди

Challenger 75 тоифасига кирувчи турнирнинг мукофот жамғармаси 100 000 АҚШ долларини ташкил қилади. Саралаш баҳсларида ҳамююртимиз Сергей Фомин ҳам ўз маҳоратини намойиш этаётган эди. У саралашда бешинчи рақам остида таснифланган. 

Мамлакатимизнинг иккинчи ракеткаси 1/2 финалда таиландлик Вишая Тронгчароенчайкулни 6/3, 6/3 ҳисобида мағлуб этганди. Бироз аввал Фомин саралашнинг финал учрашувида америкалик Эван Чжудан устун келди - 6/3, 1/6, 6/3. 

Бир соату 50 дақиқа давом этган баҳсда Сергей 8, Чжу 6 та эйс зарбасини амалга оширди. Қўшхатолар америкалик теннисчида кўпроқ бўлди - 3 га 2. Ушбу турнирнинг асосий тўр баҳсларида мамлакатимизнинг биринчи ракеткаси Ҳумоюн Султонов ҳам иштирок этади.   

Таққослаш учун, Фомин ATP рейтингида 492, Тронгчароенчайкул 826, Эван Чжу 578-поғонадан жой олган.