Сергей Фомин Туркиядаги мусобақада вице-чемпион бўлди

Ушбу мусобақада ҳамюртимиз Сергей Фомин ҳам муваффақиятли иштирок этди. Мамлакатимизнинг иккинчи ракеткаси ҳал қилувчи финал учрашувига қадар етиб борди. Теннисчимиз 4 дақиқаси кам 3 соат давом этган баҳсда рейтингда ўзидан 20 поғона юқорида бораётган украиналик Олекси Крутихга 6/7(4), 6/3, 5/7 ҳисобида имкониятни бой бериб қўйди ва мусобақа вице-чемпионига айланди. 

Таққослаш учун, Фомин ATP рейтингида 555, унинг украин рақиби 535-поғонадан жой олган. Бу теннисчиларнинг ўзаро ўтказган илк учрашуви эди. Сергей бундан аввал кетма-кет саккизта учрашувда ғалаба қозониб, ажойиб серия қайд этганди. Ҳамюртимиз ўтган ҳафта Анталиядаги М15 турнирида бош совринни қўлга киритганди.