06 окт 08:19
Янгиликлар

Теннис

Шанхай "Мастерс". Жокович тай-брейкларда қийини ғалабага эришди

Хитойнинг Шанхай шаҳрида теннис бўйича "Мастерс" сериясига кирувчи нуфузли турнир давом этмоқда.

Дунёнинг тўртинчи ракеткаси Новак Жокович ўз иштирокини тўғридан-тўғри иккинчи даврадан бошлади. Сербиялик теннис афсонаси ATP рейтингида 43-ўринни эгаллаб турган америкалик Алекс Микельсенни қийинчилик билан мағлубиятга учратди. Иккала сет тақдири тай-брекларда ҳал бўлди - 7/6(3), 7/6(9).

Бу теннисчиларнинг ўзаро ўтказган илк учрашуви бўлди. Бир соату 55 дақиқа давом этган баҳсда Жокович 7, Микельсен 10 та эйс зарбани амалга оширган. Иккала теннисчи ҳам 2 тадан брейкдан фойдаланган.