23 окт 15:51
Янгиликлар

Дзюдо

Шарофиддин Лутфуллаев учинчи даврага йўл олди

Венгрия пойтахтида дзюдо бўйича Будапешт “Катта Дубулға” турнири давом этмоқда.

Ҳозиргина жаҳон чемпионатининг амалдаги кумуш медали совриндори Шарофиддин Лутфуллаев мусобақадаги иштирокини бошлади. -60 кг вазн тоифасидаги юртдошимиз иккинчи давра учрашувида венгриялик Ксанад Фечкога қарши баҳс олиб борди. Мезбонлар вакили биринчи босқичда мўғулистонлик Бурендурендан устун келганди.

Икки дақиқаю 32 сония давом этган ушбу беллашувда Лутфуллаев венгриялик рақибини ортиқча қийинчиликсиз таслим этди. Шарофиддин аввалига вазари, кейин эса ушлаш орқали соф ғалабага эришди.