Шерзод Тошматов - Ўзбекистон таэквондо WTF ассоциацияси раиси лавозимига сайланди

Конференция кун тартибидан ўрин олган энг асосий масала ташкилотга янги раҳбар сайлашдан иборат эди. 

Шу кунгача ассоциацияга раҳбарлик қилиб келган Аҳмаджон Раҳимов ўрнига Шерзод Тошматов раис сифатида сайланди. 

Маълумот учун, 1979 йилда таваллуд топган Шерзод Тошматов ўз вақтида Ўзбекистон бокс федерацияси раисининг биринчи ўринбосари сифатида фаолият олиб борган. Айнан унинг қўл остида боксчиларимиз Рио Олимпиадасида, шунингдек Тошкент мезбонлик қилган Осиё чемпионатида, Жакартадаги Осиё ўйинларида муваффақиятли иштирок этишганди. 

Айни дақиқаларда давом этаётган йиғилишда Ўзбекистон Миллий олимпия қўмитаси президенти Рустам Шоабдураҳмонов, Ўзбекистон жисмоний тарбия ва спорт вазирининг биринчи ўринбосари Ойбек Касимов ҳам сўзга чиқиб, Шерзод Тошматовга янги иш жойида муваффақият тилашди ва ҳар томонлама қўллаб-қувватлашга ваъда беришди.   

Йиғилишда иштирок этган Ўзбекистон каратэ WKF федерацияси президенти Алам Муллаев Шерзод Тошматов ҳақида илиқ фикрларни билдирди. 

Olamsport.com сайти Шерзод Тошматовга янги лавозимда муваффақият тилайди.