20 окт 08:14
Янгиликлар

Бокс/ММА

Шоҳасан Мирзаматов кейинги жангини қачон, қаерда ва кимга қарши ўтказишига ишора берди (ФОТО)

Ярим ўрта вазн тоифасида фаолият олиб борувчи ўзбекистонлик ММА жангчиси Шоҳасан Мирзаматовнинг навбатдаги жанги тафсилотлари маълум бўлди.

35 яшар ҳамюртимиз 22 декабрь куни пойтахтимиздаги "Ҳумо Арена" мажмуасида ташкил этиладиган Octagon 82 турнирида иштирок этиши мумкин.

Бу ҳақда Мирзаматов ўзининг Instagram саҳифасида хабар берди. Спортчи ушбу турнир доирасида Қозоғистон вакили Богдан Пшельбескийга қарши жанг қилиш истагида.

Фаолиятида 19 та жанг ўтказиб, 15 ғалаба ва 4 мағлубият қайд этган Шоҳасан Мирзаматов Octagon League'нинг Тошкентдаги сўнгги турнирида ҳам чиқиш қилиб, ғалабага эришганди. 26 ёшли Богдан Пшельбеский эса охирги жангида таниқли ММАчимиз Саидотахон Нуриддиновдан устун келганди. Унинг рекорди 7-2 кўринишида.