Шоҳасан Мирзаматовдан даҳшатли қайтиш! У рақиби бир дақиқага ҳам олиб бормади

У Тошкентда ўтказилаётган Octagon 68 кечаси доирасида сўнгги рақиби, бразилиялик Педро Фариасга қарши октагонга чиқди.

3 раундлик жанг биринчи раунднинг биринчи дақиқасида якунланди. Унда нокаутчи Шоҳасан Мирзаматов рақибини кетма-кет зарбалари билан муддатидан олдин таслим қилди.

Бу 34 ёшли Шоҳасан учун реванш жанги эди, сабаби у октябрь ойида ўтказган сўнгги жангида айнан Педро Фариасга имкониятни бой бериб қўйганди. Энди унинг ҳисобида 14 та ғалаба ва 4 та мағлубият мавжуд.

27 ёшли Педро Фариас эса бугун 19-жангидаги 9-мағлубиятини қабул қилиб олди. Унинг ҳисобида 10 та ғалаба ҳам бор.