Шовотлик ёзги биатлончилар тенгсиз + ФОТО

Ўзбекистон мудофаасига кўмаклашувчи “Ватанпарвар” ташкилоти Хоразм вилоят техник ва амалий спорт турлари маркази томонидан уюштирилган мусобақада спортчилар ёзги биатлон дастурига биноан югуриш ва мерганлик маҳоратини намойиш этишди. 

Якуний натижаларга кўра, чемпионат шоҳсупаси қуйидагича кўриниш олди: 

Қизлар. 1-ўрин. Зуҳра Рўзимова (Шовот тумани ЎСТК). 2-ўрин. Гулнора Абдуллаева (Шовот тумани ЎСТК). 3-ўрин. Меҳринисо Отажонова (Урганч шаҳар ЎСТК). 

Ўғил болалар. 1-ўрин. Мирфозил Ёқуббоев (Шовот тумани ЎСТК). 2-ўрин. Сарварбек Яқубов (Урганч шаҳар АСТМУК). 3-ўрин.Исроил Сапарбоев (Боғот тумани ЎСТК).

Умумжамоа ҳисобида Шовот тумани ўқув спорт техника клуби ёзги биатлончилари зафар қучишди. Урганч шаҳар автомобиль спорт техника мактаби унитар корхонаси жамоаси иккинчи ўринни эгаллади. Учинчи ўриндан Боғот тумани ўқув спорт техника клуби вакиллари жой олишди.

Чемпионанинг ёпилиш маросимида ғолиб ва совриндор спортчилар ҳамда жамоалар мусобақа ташкилотчиси - Хоразм ВТАСТ маркази томонидан тақдирландилар.

Икром ХУДОЙБЕРГАНОВ, Хоразм вилоятидан