Шу ҳафта Нурсултон билан бир оқшом жанг қиладиган Хукер Нурмагомедовни UFC`да синаб кўришга тайёр

"Бу худди Майкл Чендлер билан бўлгани каби, ҳозирги Парнасс билан бўлаётганидек ҳолат юз беради. Усман билан ҳам худди шундай бўлади. Бошқа ҳеч ким бу жанг учун рози бўлмайди. Илия Топурия шунчалик таваккал қилиб, UFC`да ҳали жанг қилмаган, рейтингда йўқ жангчи билан куч синашади, деб ўйлайсизми?

Дивизиондаги бошқа йигитларнинг ҳеч бири бунчалик таваккал қилишни истамайди. Шунинг учун улар Ден Хукерга қўнғироқ қилишади, хавф учун бироз кўпроқ ҳақ тўлашни таклиф қилишади ва у бу йигитларни элитада кутиб олади", — деди Хукер Submission Radio’га берган интервьюсида.

Шу дам олиш кунларидаёқ Ден Хукер октагонда KSW`нинг икки вазн тоифасидаги собиқ чемпиони Саладин Парнассни кутиб олади. Улар 5 сентябрь куни Парижда бўлиб ўтадиган UFC Fight Night 287 турнирининг асосий жангида тўқнаш келишади.