Симона Халепнинг "Уимблдон"даги юриши давом этади

Аёллар ўртасидаги баҳсларда сайёрамизнинг 18-ракеткаси Симона Халеп иккинчи ҳафта учрашувларида кортга чиқиш ҳуқуқини қўлга киритди. Руминиялик теннис маликаси учинчи давра баҳсида WTA рейтингида 92-поғонадан жой олган польшалик Магдалена Фрешдан устун келди - 6/4, 6/1.

Учрашув 66 дақиқа давом этиб, Халеп 3 та, унинг рақибаси 1 та эйс зарбасини ижро этган. Симона 5 та, Фреш эса 2 та брейкни амалга оширган. Теннисчиларнинг ўзаро учрашувларида ҳисоб йириклашди - 3:0. Энди Халеп  кейинги босқичда Паула Бадосага қарши кортга чиқади.