29 апр 15:49
Янгиликлар

Шахмат

Синдаров ва Абдусатторов Тошкентдаги нуфузли турнирда иштирок этади

Ўзбек шахмати мухлислари ва ихлосмандлари дунё эътиборида бўлиб турган гроссмейстерларимиз иштирокидаги матчларни томоша қилиш имконига эга бўладилар.

7-15 июнь кунлари Тошкент шаҳри UzChess Cup 2026 турнирига мезбонлик қилади. Ўз тарихида учинчи бор ташкил этилаётган мусобақанинг мукофот жамғармаси 121 500 АҚШ долларидан иборат бўлиб, уч гуруҳда ўтказилади.

Кучлилар жам бўлган "Masters" гуруҳида Нодирбек Абдусатторов ҳамда "Номзодлар турнири" ғолиби, амалдаги Жаҳон кубоги соҳиби Жавоҳир Синдаров ҳамда яна икки гроссмейстеримиз Шамсиддин Воҳидов ва Нодирбек Якуббоев ҳам бош соврин учун баҳс олиб боради.

Шунингдек, Ян Непомняший (FIDE), Аржун Эригаиси, Видит Гужратҳи (Ҳиндистон), Ханс Мок Ниеманн (АҚШ), Шахрияр Мамедьяров (Озарбайжон), Николас Теодору (Греция) сингари таниқли гроссмейстерлар Тошкентга келишларини тасдиқлашган.