Singapore International Open. Гулдонада кетма-кет иккинчи мағлубият, қолганларда ғалаба

А ва В гуруҳларида ташкил этилаётган мусобақада дунёнинг 40 га яқин давлати спортчилари қатори ўзбекистонлик шахматчи қизлар ҳам ўз имкониятини синовдан ўтказяпти. Улар орасида истеъодли шахматчимиз Гулдона Каримова (2115) етакчилар сафида бораётган эди. Афсуски, кетма-кет мағлубиятлар сабаб у турнир жадвалида яхшигина пастлаб, совриндорлар сафидан жой олиш имкониятидан маҳрум бўлди. Гулдона 7-турда оқ доналарда ўйнаб, филиппинлик гроссмейстер Жон Гомезга ютқазиб қўйди.

Нодира Нодижонова, Умида Омонова, Барчиной Шокиржонова, Маржона Маликова ва Асал Салимова 7-турда ғалабага эришди. Нилуфархон Имомқўзиева сингапурлик рақиби билан муросага келди. Нодиржонов филиппинлик гроссмейстер Лайло Дарвин (2402)дан, Омонова эса мўғулистонлик гроссмейстер Сумия Билгуун (2470)дан устун келганини таъкидлаш жоиз.

Очколарини 4,5 тага етказиб олган Нодиржонова ва Омонова қўшимча кўрсаткичларга кўра мос равишда 59 ва 60-ўринни банд этган. Шунча очкога эга испаниялик Эдуардо Итурризага 37-поғонадан жой олган. Барчиной Шокиржонова 4 очко билан 103, Гулдона Каримова 3,5 очко билан 121-ўринни эгаллаб турибди. Уч ярим очкога эга Асал Салимова 144-поғонада бормоқда. Польшалик Ян Климковски 6 очко билан турнир жадвалида якка пешқадам бўлиб олган.