Singapore International Open. Нодиржоновада ғалаба, Гулдона кучли гроссмейстер билан дуранг ўйнади

А ва В гуруҳларида ташкил этилаётган мусобақада дунёнинг 40 га яқин давлат спортчилари қатори ўзбекистонлик шахматчи қизлар ҳам ўз имкониятини синовдан ўтказяпти. Улар орасида истеъодли шахматчимиз Гулдона Каримова (2115) етакчилар сафида бормоқда. 

Кучлилар жам бўлган А гуруҳи баҳсларида қатнашаётган Гулдона 4 имкониятдан 3 очко жамғариб, қўшимча кўрсаткичларга кўра 13-ўринни эгаллаб турибди. Россиялик гроссмейстер Володар Мурзин 3,5 очко билан қўшимча коэфицентларга кўра пешқадамлик қиляпти. Яна 7 нафар шахматчи ҳисобида ҳам 3,5 очкодан бор. Гулдона 3-турда италиялик гроссмейстер Алессио Валсекки (2478)ни мағлуб этишни уддалаганди. 

Бутунжаҳон шахмат Олимпиадасида ўз доскасида кумуш медални қўлга киритган Нодира Нодиржонова (2137) қора доналарда сингапурлик Адития Гнанасекардан устун келиб, очколарини 2 тага етказиб олди. Умида Омонова оқ доналарда ўйнашига қарамай, мезбонлар вакиласи Жонатан Ауюнг билан муросага келди. 

Учинчи турда шахматчи қизларимиздан Нилуфархон Имомқўзиева ва Асал Салимова рақибларига ютқазиб қўйишди. Барчиной Шокиржонова эса филиппинлик Пауло Берсамина билан дуранг қайд этди. Бугун 5-турда Гулдона Каримова ўзи сингари 3 очкога эга бўлиб турган мўғулистонлик гроссмейстер Сумия Билгуунга қарши оқ доналарда ўйнайди.