Синнер "Ролан Гаррос" 1/4 финалида Димитровни таслим этди

Эркаклар ўртасидаги баҳсларда ярим финалчилар аниқланмоқда. Дунёнинг иккинчи ракеткаси Янник Синнер фаолиятида илк бор Франция Очиқ чемпионатининг ярим финалига йўл олди. Италиялик теннисчи 1/4 финалда рейтингнинг 10-поғонасида бораётган болгариялик Григор Димитровни уч сет натижасига кўра таслим этди - 6/2, 6/4, 7/6(3).

Синнер теннисчиларнинг ўзаро учрашувларидаги ҳисобни йириклаштирди - 4:1. Икки соату 32 дақиқа давом этган баҳсда Синнер 8, Димитров 5 та эйс зарбасини амалга оширган. Қўшхатолар 0 га 5 кўринишида Григор "фойдаси"га ҳал бўлди. Брейклар бўйича устунлик ғолиб теннисчи томонида - 4 га 1! Энди у финал чиптаси учун Карлос Алькаразга қарши кортга чиқади.