Синнернинг мураббийи: "Янник - акула"

Қайд этиш керак, Синнер ATP Якуний турнирининг финалига қадар етиб борган бўлса, Италия термаси билан Дэвис Кубогини қўлга киритди.

"US Open турниридан бошлайдиган бўлсак, мавсум якуни у учун босимга бой ўтди, бироқ у барча синовдан ўта олди. Якуний турнирнинг финалидан кейин у Дэвис Кубогида юқори ишонч билан иштирок этди. Турнирнинг гуруҳ босқичини ўтказиб юбориш тўғри қарор бўлди. Янник учун Дэвис Кубогидаги ғолиблик катта мақсад бўлганди.

Янник - акула, овчи. Қоннинг ҳидини сезса, ўлжасини қўйиб юбормайди. Бу ишонч унга кўп меҳнат қилганлиги сабабли келган ва шундай натижаларига эришишида сабаб бўлган. Янникнинг виждони тоза, шу сабабли доимо ҳотиржам", - деди Ваньоцци.