25 дек 07:22
Янгиликлар

Сув спорти турлари

Синхрон сузувчиларимиз Россиядаги мусобақада иккита медаль қўлга киритишди

20-24 декабрь кунлари Россия Федерациясининг Чехов шаҳрида синхрон сузиш бўйича 13 ёшгача бўлган ўсмирлар ўртасида "Русская матрёшка" халқаро турнири ўтказилди.

Мусобақада мезбон Россиядан ташқари, Беларусь, Қозоғистон, Сингапур ва Ўзбекистондан келган ёш қизлар ғолиблик учун баҳс олиб боришди. Ушбу мусобақада терма жамоамиз шарафини Дарья Кочнева ҳамда Елизавета Касаткина ҳимоя қилди.

Қувонарлиси, ёш спортчиларимиз турнирда иккита медаль қўлга киритишди. Спортчиларимиз мусобақанинг дастлабки куни дуэт йўналишида иштирок этишди ва бронза медалига эга чиқишди. Кеча эса Дарья Кочнева "соло" дастурида кумуш медални қўлга киритди.

Шу тариқа, ўсмирлар терма жамоамиз Россиядаги халқаро турнирни битта бронза ва битта кумуш медали билан якунлади.