Собиқ Bellator чемпиони Вадим Немковга PFL Лигасида сўнгги жанг берилди

Россиялик аралаш яккакураш устаси учун бу PFL Лигасидаги шартнома бўйича сўнгги жанг бўлади. Келишув якунига етиши билан у бошқа Лигалар, хусусан UFC билан музокара қилиши мумкин бўлади. 

"Ҳозир кўнглим жанг истаяпти. Сана, манзил ва рақиб бор. Расмий тасдиқлов бўлмагунига қадар, рақибимнинг кимлигини айта олмайман. Бор эътиборим шартнома бўйича сўнгги жангимга қаратилган. Кейин бошқа лигаларга ўтиш ҳақида ўйласам бўлади", – деди Немков. 

Хабарда айтилишича, Вадим Немков 25 январь куни Дубай шаҳрида ўтказиладиган PFL турнирида октагонга чиқади. У шу йилнинг февраль ойида Ар-Риёдда ўтган PFL ва Bellator промоушенларининг қўшма турнирида оғир вазн тоифасида муваффақиятли дебют қилганди. Ўшанда Вадим иккинчи раундда собиқ PFL чемпиони Бруно Каппелоззани учбурчак усули билан муддатидан аввал мағлуб этган эди.