10 апр 09:57
Янгиликлар

Бокс/ММА

Собиқ чемпионлар ўртасидаги супержанг тасдиқланди

Top Rank промоутерлик компанияси бугун ўтказилган проф бокс оқшомида яна бир супержангни анонс қилди.

Унга кўра, биринчи яримўрта вазнда собиқ мутлақ жаҳон чемпиони Жош Тейлор ҳамда енгил вазнда собиқ чемпион Теофимо Лопес 10 июнь куни АҚШнинг Нью-Йорк шаҳрида ўтказиладиган бокс оқшомида бир-бирларига қарши рингга кўтариладиган бўлишди.

Ушбу жанг биринчи яримўрта вазнда Тейлорга тегишли бўлиб турган WBO чемпионлик камари учун кечади. Лопес ва Тейлор 2021 йилдаёқ ўзаро жанг ўтказиш бўйича муҳокамаларни бошлашган эди. Ўшанда Тейлор биринчи яримўрта вазнда мутлақ жаҳон чемпиони, Лопес эса енгил вазн тоифасида 3 та чемпионлик камарлари соҳиби бўлган.