23 мар 19:06
Янгиликлар

Бокс/ММА

Собиқ UFC чемпиони Фабрисиу Вердум PFLни тарк этди

Оғир вазн тоифасида собиқ UFC чемпиони Фабрисиу Вердум PFL лигасини тарк этганини маълум қилди.

Бунга Вердумнинг промоушен билан амалдаги шартномаси якунига етгани сабаб бўлган.

"PFL билан шартномам якунланди. Келишувга кўра Ренан Ферейра билан битта жанг ўтказдим. Аммо бу жанг якунда ўтказилмаган деб топилди. Маълум сабабларга кўра икки йил жанг ўтказа олмадим. Аниқроғи, бунга нохолис мағлубият ёзишгани сабаб бўлганди. Аралаш яккакураш билан 25 йилдан бери шуғулланаман. Менга бу оғир ботганди. Яқин келажакда мен октагонга қайтишим мумкин. Фақат бунинг учун менга озгина вақт керак. Ким билади, балки Фрэнсис Нганну ёки Кейн Веласкес билан жанг ўтказарман", — деди Вердум.

Ўз ўрнида PFL ҳам Вердум ва промоушен ўртасидаги шартнома якунига етганини тасдиқлади.